ମାଲକାନଗିରି ; ତା-୦୯/୧୨ (ବିଏମସି ଟିଭି ଓଡ଼ିଆ)
ମାଲକାନଗିରି ଜିଲ୍ଲା ବାଲିମେଳା ଅବକାରୀ ପୁଲିସ ଆଜି ସକାଳ ୧୦ ଟା ସମୟରେ ଓଆଇସି ରମେଶ ଚନ୍ଦ୍ର ସାହୁକାର ଙ୍କ ନେତୃତ୍ୱରେ ଏକ ଟିମ ବାଲିମେଳା-ମାଲକାନଗିରି ମୁଖ୍ୟ ରାସ୍ତାର ଟେକଗୁଡା ଛକ ନିକଟରେ ପାଟ୍ରୋଲିଂ କରୁଥିବା ସମୟରେ ସେହି ବାଟ ଦେଇ ଜଣେ ବ୍ୟକ୍ତି ଛୋଟ ବ୍ୟାରେଲ ରେ କିଛି ତରଳ ପଦାର୍ଥ ନେଇ ଯାଉଥିଲେ। ତେବେ ଅବକାରୀ ପୋଲିସ କୁ ଦେଖି ବ୍ୟକ୍ତି ଜଣକ ଚମ୍ପଟ ମାରି ଚାଲି ଯିବାକୁ ଚେଷ୍ଟା କରୁଥିବା ବେଳେ ଅବକାରୀ ପୋଲିସ ଧରିବାରେ ସକ୍ଷମ ହୋଇଥିଲା। ଏଥିସହ ସେହି ବ୍ୟାରେଲ ରୁ ୧୦ ଲିଟର ଦେଶୀ ମଦ ଜବତ କରିଥିଲା। ତେବେ ଗିରଫ ବ୍ୟକ୍ତି ଜଣଙ୍କ ନାମ ଚଇତୁ ହାଲବା (୩୫) ହୋଇଥିବା ବେଳେ ସେ ପୋଟରେଲ ଛକ ନିକଟସ୍ଥ ଟେକଗୁଡା ଗ୍ରାମର ବୋଲି ଜଣାପଡିଛି। ତେବେ ଏହି ପାଟ୍ରୋଲିଂ ସମୟରେ ଅବକାରୀ ଏଏସଆଇ ରାମ ହନ୍ତାଳ, ପଣ୍ଡା ନାଗେଶ ଙ୍କ ସମେତ ଅନ୍ୟ ଅବକାରୀ ଷ୍ଟାଫ ସାମିଲ ହୋଇଥିଲେ।
ମାଲକାନଗିରି ଜିଲ୍ଲା ବାଲିମେଳା ରୁ ଦିଲ୍ଲୀପ କୁମାର ଦାସଙ୍କ ରିପୋର୍ଟ ବିଏମସି ନ୍ୟୁଜ ଓଡିଶା ।
