ବୋଲଗଡ ; ତା-୦୫/୦୬ ( ବିଏମସି ଟିଭି ଓଡ଼ିଆ )
ବୋଲଗଡ ବ୍ଲକ ମର୍ଦାବାଡ଼ି ଗ୍ରାମସ୍ଥ ଶିବମନ୍ଦିର ପ୍ରାଙ୍ଗଣରେ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି । ମର୍ଦାବାଡ଼ି ସ୍ଥିତ ଆଞ୍ଚଳିକ ଶିକ୍ଷା ସେବା ଓ ସଂସ୍କୃତି ବିକାଶ ଫାଉଣ୍ଡେସନ ଦ୍ୱାରା ଆୟୋଜିତ ଏହି ସଭାରେ ମନମୋହନ କହଲସିଂ ସଭାପତିତ୍ୱ କରିଥିବା ବେଳେ ଖୋର୍ଦ୍ଧା ଉପଖଣ୍ଡ ବନ ଅଧିକାରୀ ଜୟକୃଷ୍ଣ ପଣ୍ଡା , ବୋଲଗଡ ବନପାଳ ପ୍ରିୟଦର୍ଶିନୀ ସେଠି , ବନ ରକ୍ଷକ ଅର୍ପିତା ନାୟକ, ସମାଜସେବୀ ଧନେଶ୍ୱର ବିଧାର ଓ ସରପଞ୍ଚ ଗୀତାଞ୍ଜଳି ସାହୁ, ପ୍ରଧାନ ଶିକ୍ଷକ ରବୀନ୍ଦ୍ର ବେହେରା, ନକୁଳ ରାଉତରାୟ ପ୍ରମୁଖ ଯୋଗ ଦେଇଥିଲେ।
ଉପସ୍ଥିତ ଅତିଥି ମାନେ ପରିବେଶ ସୁରକ୍ଷା ଉପରେ ଗୁରୁତ୍ୱ ପ୍ରଦାନ କରିଥିଲେ । ଏଥିସହ ପ୍ଲାଷ୍ଟିକ ମୁକ୍ତ ପରିବେଶ ଜରୁରୀ ଆବଶ୍ୟକ ବୋଲି ନିମନ୍ତ୍ରିତ ଅତିଥି ମାନେ ମତବ୍ୟକ୍ତ କରିଥିଲେ । ଏହି ଅବସରରେ ପରିବେଶ ସୁରକ୍ଷା ସମ୍ପର୍କିତ ଏକ ଚିତ୍ରାଙ୍କନ ପ୍ରତିଯୋଗିତା କରାଯାଇଥିଲା। କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇ ଚାରା ବଣ୍ଟନ କରାଯାଇଥିଲା । ପରିଶେଷରେ ଚନ୍ଦନ ପଶ୍ଚିମ କବାଟ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
ବିଏମସି ନ୍ୟୁଜ୍ ଓଡ଼ିଶା।
