ଖୋର୍ଦ୍ଧା ; ତା-୧୬/୧୨ (ବିଏମସି ଟିଭି ଓଡ଼ିଆ)
ଖୋର୍ଦ୍ଧାର ଅଗ୍ରଣୀ ଶିକ୍ଷାନୁଷ୍ଠାନ ଟ୍ରିପଲ ‘ଏ’ ରେ ବାର୍ଷିକ ଉତ୍ସବ ମହାସମାରୋହରେ ପାଳିତ ହୋଇଯାଇଛି । ଏଥିରେ ମୁଖ୍ଯ ଅତିଥି ଭାବରେ ଓଡିଶାର ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ଅନ୍ୟତମ ଅତିଥି ଭାବରେ ଖୋର୍ଦ୍ଧା ବିଧାୟକ ପ୍ରଶାନ୍ତ କୁମାର ଜଗଦେବ ଓ ଖୋର୍ଦ୍ଧାର ପ୍ରାକ୍ତନ ବିଧାୟକ ଜିତୁମିତ୍ର ଉପସ୍ଥିତ ଥିଲେ । ଏମାନଙ୍କ ମଧ୍ୟରେ ବିଦ୍ୟାଳୟର ପ୍ରତିଷ୍ଠାତା ଡା.ନନ୍ଦକିଶୋର ପଟ୍ଟନାୟକ , ଅଧ୍ୟକ୍ଷା ଶ୍ରୀମତୀ ଦିପ୍ତିମୟୀ ମହାନ୍ତି ,ବିଦ୍ୟାଳୟ ପରିଚାଳନା କମିଟିର ସଭାପତି ଐତିହାସିକ ସତ୍ୟବାଦୀ ବଳିଆରସିଂ ଓ ଉପସଭାପତି ଡ.ପ୍ରମୋଦ କୁମାର ଦାଶ ମଧ୍ୟଉପସ୍ଥିତ ଥିଲେ ।
ପ୍ରାରମ୍ଭରେ ଆବାହନ ସଂଗୀତ ବିଦ୍ୟାଳୟର ସଂଗୀତ ବିଭାଗ ସଂଯୋଜନାରେ ଗାନ କରାଯାଇ ଥିଲା।ବିଦ୍ୟାଳୟର ଅଧ୍ୟକ୍ଷା ବିଦ୍ୟାଳୟର ବାର୍ଷିକ ବିବରଣୀ ପାଠ କରିଥିଲେ ଓ ନିମନ୍ତ୍ରିତ ଅତିଥିମାନଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । ପରେ ପରେ ବିଦ୍ୟାଳୟର ମୁଖପତ୍ର ପ୍ରତିଭାକୁ ଅତିଥି ମଣ୍ଡଳୀ ଉନ୍ମୋଚନ କରିଥିଲେ । ବିଭିନ୍ନ ବର୍ଗରେ ବିବେଚିତ କୃତୀ ଶିକ୍ଷକଶିକ୍ଷିକା ଓ ଛାତ୍ର ଛାତ୍ରୀମାନଙ୍କୁ ଅତିଥିମାନେ ପୁରସ୍କୃତ କରିଥିଲେ । ସାଂସ୍କୃତିକ କାର୍ଯ୍ୟକାମରେ ନୃତ୍ୟ ଓ ସଂଗୀତର ମଧୁର ସମନ୍ବୟ ସମସ୍ତଙ୍କୁ ଆହ୍ଲାଦିତ କରିଥିଲା।ଏହି ଉତ୍ସବଟି ବିଦ୍ୟାଳୟର ସାଂସ୍କୃତିକ ବିଭାଗର ମୁଖ୍ୟ ନିଖିଲ ମିତଲ ଓ ସହକର୍ମୀ ପ୍ରତାପ ଚନ୍ଦ୍ର ଦାଶଙ୍କ ପ୍ରତ୍ୟକ୍ଷ ଓ ପରୋକ୍ଷ ତତ୍ବାବଧାନରେ ସମାହିତ ହୋଇଥିଲା ।
ଖୋର୍ଦ୍ଧାରୁ ଜିଲ୍ଲା ପ୍ରତିନିଧି ରାଜେଶ ଚନ୍ଦ୍ର ମହାନ୍ତିଙ୍କ ରିପୋର୍ଟ ବିଏମସି ନ୍ୟୁଜ ଓଡିଶା ।
