ସମ୍ବଲପୁର ; ୦୫/୧୨(ବିଏମସି ଟିଭି ଓଡିଆ)
ବରପାଲିରୁ ପ୍ରୟାଗରାଜ ଅଭିମୁଖେ ଏକ ଯାତ୍ରିବାହୀ ବସର ଗୁରୁବାର ଶୁଭାରମ୍ଭ ହୋଇଯାଇଛି। ସ୍ଥାନୀୟ ବସଷ୍ଟାଣ୍ତରୁ ମୂଖ୍ଯଅତିଥି ଭାବରେ ବରିଷ୍ଠ ଧର୍ମପ୍ରାଣ ସମାଜସେବୀ ମୋତିଲାଲ ଅଗ୍ରୱାଲ ପୁଜାର୍ଚ୍ଚନା ସହ ବସକୁ ତାର ଗନ୍ତବ୍ୟସ୍ଥଳକୁ ମେଲାଣି ଦେଇଥିଲେ। ଏହି ଅବସରରେ ସମ୍ମାନିତ ଅତିଥି ଭାବରେ ଚନ୍ଦନ ଅଗ୍ରୱାଲ, ଗଦାଧର ସିଂ, ଡ.ଶଙ୍କରଷଣ ମେହେର, ବିନୋଦ ଅଗ୍ରୱାଲା, ଅବନି ମେହେର, ରବି ବିଶି, ଗୋକୁଳ ପଧାନ, ପଦ୍ମ ଲୋଚନ ସାହୁ, ଧିରୋଜ ପଧାନ, ଲୁବୁରୁ ପଧାନ, ଅନିଲ ଅଗ୍ରୱାଲ, ସୁନିଲ ଅଗ୍ରୱାଲ, ଗୋବିନ୍ଦ ସାହୁ, ରାଘବ ପ୍ରଧାନ ପ୍ରମୁଖ ଯୋଗ ଦେଇଥିଲେ। ଅଞ୍ଚଳବାସୀଙ୍କ ବହୁ ଦିନର ଆଶା ଓ ଭରସା ବିଜେପୁର ବିଧାୟକଙ୍କ ସାଧୁ ଉଦ୍ୟମ ଯୋଗୁ ସଫଳ ରୂପ ନେବା ସହିତ ଜନସାଧାରଣଙ୍କୁ ବେଶ ପ୍ରଭାବିତ କରିଥିବା ଦେଖାଯାଇଥିଲା। ଲୋକଙ୍କ ନିତାନ୍ତ ପ୍ରୟୋଜନ ହେଉଥିବା ଶୁଦ୍ଧିକ୍ରିୟା କାର୍ଯ୍ଯ, ଅସ୍ଥିପ୍ରବାହ ଅବା ପରିଭ୍ରମଣ ପାଇଁ ଲୋକଙ୍କ ବହୁଦିନରୁ ଦାବି ହୋଇଆସୁଥିଲା। ଯାହାବି ହେଉ ବିଧାୟକଙ୍କ ଉଦ୍ୟମରୁ ସିଧାସଳଖ ଏହ୍ଲାବାଦକୁ ପ୍ରତିଦିନ ବସସେବା ଯାତାୟାତ ହୋଇପାରିଥିଲା। ପୁର୍ବରୁ ବରପାଲି ଅଞ୍ଚଳରୁ କୌଣସି ସଠିକ ବ୍ଯବସ୍ଥା ନଥିବାରୁ ଲୋକେ ଅସୁବିଧା ଭୋଗ କରିବା ସହ ଖର୍ଚ୍ଚାନ୍ତରେ ପଡୁଥିଲେ। । ଏହ୍ଲାବାଦର ସିଂ ପ୍ରୟାଗରାଜ ଟ୍ରାଭେଲସ୍ ପକ୍ଷରୁ ଏହି ବସସେବା ଆରମ୍ଭ ହୋଇଛି। ବସର ମାଲିକ ସଞ୍ଜୟ ସିଂଙ୍କ ସହାୟତାରେ ଅଂଚଳବାସୀ ଉଚିତ ସୁବିଧା ପ୍ରାପ୍ତି କରିଥିବା ବେଳେ ଅଞ୍ଚଳରେ ବେଶ ଆନନ୍ଦର ମାହୋଲ ଖେଳିଯାଇଥିଲା। ବସଷ୍ଟାଣ୍ଡରୁ ଦୈନିକ ଅପରାହ୍ନ ୧ ଘଣ୍ଟା ସମୟରେ ବସଟି ବାହାରୁଥିବା ବେଳେ ତା ପରଦିନ ପୁର୍ବାହ୍ନ ୭ ଘଣ୍ଟା ସମୟରେ ଏହ୍ଲାବାଦରେ ପହଞ୍ଚିବ ବୋଲି ବସ ପରିଚାଳକ ଖୁରସିଦ ଅହମ୍ବଦ ଜଣାଇଥିଲେ । ବସଟି ଏସି ସ୍ଲିପର କୋଚର ସେବା ସହ ସାଧାରଣ ସିଟିଂର ବ୍ୟବସ୍ଥା ରଖାଯାଇଛି।
ସମ୍ବଲପୁର ରୁ ଜିଲ୍ଲା ପ୍ରତିନିଧି କୈଳାସ ମହାରଣାଙ୍କ ରିପୋର୍ଟ ବିଏମସି ନ୍ୟୁଜ୍ ଓଡ଼ିଶା ।
