ନୟାଗଡ଼ ;ତା-୧୯/୧୨(ବିଏମସି ଟିଭି ଓଡ଼ିଆ)
ଦଶପଲ୍ଲା ଏନଏସି ଅନ୍ତର୍ଗତ କୃଷ୍ଣପ୍ରିୟା ଦେବୀ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ବୁଧବାର ଦିନ ଫିଟ୍ ଇଣ୍ଡିଆ ସପ୍ତାହ ପାଳନ ଅବସରରେ ବହୁବିଧ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଇତ୍ଯବସରରେ ସଭା, ଶୋଭାଯାତ୍ରା, ସାମୁହିକ ସଂକଳ୍ପ, ଯୋଗ ଆଦି କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା।
ସଚେତନତା ଶୋଭାଯାତ୍ରା ଦଶପଲ୍ଲା ର ଆରାଧ୍ୟ ଦେବ ପ୍ରଭୂ ମହାବୀର ଙ୍କ ପର୍ଯ୍ୟନ୍ତ ଯାଇଥିଲା।କଲେଜ ର ଅଧ୍ଯକ୍ଷା ଡ.ପୂର୍ଣ୍ଣମାସୀ ଦେବୀଙ୍କ ପୌରହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ଅବସରପ୍ରାପ୍ତ କ୍ରୀଡା ଶିକ୍ଷକ ତ୍ରିନାଥ ସାହୁ, ଅଧ୍ଯାପକ ମାନସ ରଂଜନ ମିଶ୍ର, ବିଶିଷ୍ଟ ଯୋଗ ଶିକ୍ଷକ ଭଗବାନ ଦେହୁରୀ ପ୍ରମୁଖ ଅତିଥି ଭାବେ ଯୋଗଦେଇଥିଲେ।
ଅଧ୍ୟାପକ ଧୀରେନ୍ଦ୍ର କୁମାର ମହାରଣା ସଂଯୋଜନା କରିଥିଲେ ଓ କର୍ମଚାରୀ ପ୍ରମୋଦ କୁମାର ପଣ୍ଡା, ଅକ୍ଷୟ କୁମାର ପାତ୍ର, ପ୍ରଶାନ୍ତ କୁମାର ବେହେରା ପ୍ରମୁଖ ସହଯୋଗ କରିଥିଲେ। ଉଚ୍ଚ ମାଧ୍ୟମିକ ବିଦ୍ୟାଳୟର ଶତାଧିକ ଛାତ୍ରୀ କାର୍ଯ୍ୟକ୍ରମରେ ସାମିଲ୍ ହୋଇଥିଲେ।
ଦଶପଲ୍ଲା ରୁ ବଳଭଦ୍ର କର ଙ୍କ ରିପୋର୍ଟ ବିଏମସି ନିୟୁଜ ଓଡ଼ିଶା।
