ମୟୂରଭଞ୍ଜ ; ତା-୨୧/୧୨(ବିଏମସି ଟିଭି ଓଡ଼ିଆ)
ପୁଣି ଶିମିଳିପାଳରୁ ଶିକାରୀ ଗିରଫ । ସୁରକ୍ଷା ପାଇଁ ଲାଗିଥିବା AI କ୍ୟାମେରା ଟ୍ରାପ ଇମେଜକୁ ଆଧାର କରି ବନବିଭାଗ ଉଦଳା ଥାନା ଅନ୍ତର୍ଗତ ବାଣିଆଦରା ଗ୍ରାମରୁ ୬ ଜଣ ଶିକାରୀଙ୍କୁ ଆଜି ଗିରଫ କରିଛି । ସମସ୍ତ ଅଭିଯୁକ୍ତଙ୍କୁ ବାରିପଦା ସିଜେଏମ୍ କୋର୍ଟରେ ହାଜର କରାଯାଇଥିଲା ବେଳେ ସେମାନଙ୍କ ମଧ୍ୟରୁ ୪ଅଭିଯୁକ୍ତଙ୍କୁ ୨ ଦିନ ରିମାଣ୍ଡରେ ଶିମିଳିପାଳ ବନବିଭାଗ ନେଇଛି । ସ୍ୱାଧୀନ ସାକ୍ଷୀଙ୍କ ଉପସ୍ଥିତିରେ ସେମାନଙ୍କ ନିକଟରୁ ୫ଟି ବନ୍ଧୁକ, ବିପୁଳ ପରିମାଣର ବନ୍ଧୁକ ପାଉଡର ଏବଂ ଲୁହା ପେଲେଟ ଉଦ୍ଧାର କରାଯାଇଛି। ତେବେ ଏହି ଘଟଣାରେ ମୋଟ ୬ଟି ବନ୍ଧୁକ ଏବଂ ଅନ୍ୟାନ୍ୟ ନିଷେଧ ଦ୍ରବ୍ୟ ସେମାନଙ୍କ ନିକଟରୁ ଜବତ କରାଯାଇଛି ଏବଂ ତଦନ୍ତ ପ୍ରକ୍ରିୟାଜାରୀ ରହିଛି ବୋଲି ଶିମିଳିପାଳ ଦକ୍ଷିଣ ଡିଭିଜନର ଉପ-ନିର୍ଦ୍ଦେଶକ ସମ୍ରାଟ ଗୌଡା ସୂଚନା ପ୍ରଦାନ କରିଛନ୍ତି ।
ମୟୂରଭଞ୍ଜ ରୁ ଘାସିରାମ ବେହେରା ଙ୍କ ରିପୋର୍ଟ ବିଏମସି ନିୟୁଜ ଓଡ଼ିଶା।
