ସମ୍ବଲପୁର ;ତା-୧୮/୦୨(ବିଏମସି ଟିଭି ଓଡିଆ)
ଫୁଲବାମା ଶହୀଦ ସ୍ମୃତିରେ ପଡିଆବାହାଲ ନିକଟସ୍ଥ ପଧାନପାଲି ଖେଳ ପଡିଆରେ ପଞ୍ଚ ଦିବସୀୟ ସପ୍ତମ କ୍ରିକେଟ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଫୁଲାନାମାରେ ଶହୀଦ ହୋଇଥିବା ଯବାନମାନଙ୍କୁ ଶ୍ରଦ୍ଧାଞ୍ଜଳି ଦେବା ଉଦ୍ଦେଶ୍ୟରେ ଏହା ଗତ ୭ ବର୍ଷ ଧରି ଚାଲି ଆସୁଛି। ଫାଇନାଲ ଖେଳରେ ଆଜି ଭିକମପୁର ବିପକ୍ଷରେ ବୁର୍ଲା ମାରୁତି କ୍ଲବ ଚମ୍ପିଆନ ହୋଇ ରନର୍ସ ଅଫ ହୋଇଥିବା ବେଳେ ମାନେଶ୍ଵର ବ୍ଲକର ଭିକମପୁର ରନର୍ସଅଫ ହୋଇ ପୁରସ୍କାର ଗ୍ରହଣ କରିଛନ୍ତି।ପଡିଆବାହାଲ କ୍ରିକେଟ ଟୁର୍ଣ୍ଣାମେଣ୍ଟ କ୍ଲବର ଆୟୋଜନ ଓ ପଧାନପାଲି କ୍ରିକେଟ କ୍ଳବ ସହଯୋଗରେ ଆୟୋଜିତ ଏହି ଟୁର୍ଣ୍ଣାମେଣ୍ଟକୁ ଅବସରପ୍ରାପ୍ତ ପୋଲିସ ଅଧିକାରୀ ପ୍ରଫୁଲ୍ଲ ସାହୁ ଓ ବିଏସଏଫ ଯବାନ ମାନସ ଖଣ୍ଡା ମିଳିତ ଭାବେ ଉଦ୍ଘାଟନ କରିଥିଲେ।
ଉଦ୍ଯାପନୀ ଉତ୍ସବରେ ବାହାମ ସରପଞ୍ଚ ସରସ୍ବତୀ ଭୋସାଗର ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ବାହାମ ସମିତିସଭ୍ୟ ପ୍ରଫୁଲ୍ଲ ମଗର, କବରାପାଲି ସମିତି ସଭ୍ୟା ବନିତା ଓରାମ, ପଡିଆବାହାଲ ଆରୋଗ୍ୟ ମନ୍ଦିର ଡାକ୍ତର ଲୋକନାଥ ପ୍ରଧାନ, ପୂର୍ବତନ ଜିଲ୍ଲା ପରିଷଦ ସଭ୍ୟା ଅମୂଲ୍ୟା ସାହୁ ଓ ସଭ୍ୟ ଦେବାନନ୍ଦ ଭୋସାଗର ଓ ସାମ୍ବାଦିକ ଆଦେଶ ବାରିକ ସମ୍ମାନିତ ଅତିଥି ଭାବେ ଯୋଗଦେଇ କ୍ରୀଡାର ବିକାଶ ସ୍ୱାସ୍ଥ୍ୟର ବିକାଶ ସହିତ ତୁଳନା କରି କୃତି ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରିଥିଲେ। ପାଞ୍ଚ ଦିନ ବ୍ୟାପି ଏହି କାର୍ଯ୍ୟକ୍ରମକୁ ବିପ୍ଳବ ଭୋସାଗର, ସୂର୍ଯ୍ୟ ନାରାୟଣ ସାହୁ, ରମଣୀ କୁମ୍ଭାର, ରୁପେଶ ବେସନ, ଉମାକାନ୍ତ ବେସନ ପ୍ରମୁଖ ମୁଖ୍ୟ ପରିଚାଳନାରେ ସହଯୋଗ କରିଥିଲେ।
ସମ୍ବଲପୁର ଜିଲ୍ଲା ପ୍ରତିନିଧି କୈଳାସ ମହାରଣାଙ୍କ ରିପୋର୍ଟ ବିଏମସି ନ୍ୟୁଜ୍ ଓଡ଼ିଶା।
