ସମ୍ବଲପୁର ;ତା-୩୦/୦୧(ବିଏମସି ଟିଭି ଓଡିଆ)
କୁଚିଣ୍ଡା ସହର ଉପକଣ୍ଠରେ ଥିବା ସାତକମା ଉଚ୍ଚ ପ୍ରାଥମିକ ବିଦ୍ୟାଳୟର ହୀରକ ଜୟନ୍ତୀ କମିଟି ପକ୍ଷରୁ ଦୁଇ ଚରଣରେ ମହାତ୍ମା ଗାନ୍ଧୀ ଙ୍କ ତିରୋଧାନ ଦିବସ ପାଳିତ ହୋଇଯାଇଛି । ସକାଳ ନଅ ଟା ସମୟରେ କମିଟିର ସଭାପତି ଅବସର ପ୍ରାପ୍ତ ଅଧ୍ୟକ୍ଷ ସୁବାସ ଚନ୍ଦ୍ର ନାୟକ, ସମ୍ପାଦକ କୋଶଳେଶ୍ୱର ଖର୍ସେଲ, ପୂର୍ବ ପରିଚାଳନା କମିଟି ସଭାପତି ଗଜେନ୍ଦ୍ର ସାଥୁଆ, ପ୍ରଧାନ ଶିକ୍ଷକ ସୁରଭି ନାଏକ, ବରିଷ୍ଠ ଶିକ୍ଷକ ଅନନ୍ତ ରାମ ପଟେଲ, ସିଆରସିସି ସଞ୍ଜୟ ନାଗ ଓ ପୁରାତନ ଛାତ୍ରଛାତ୍ରୀ ଉପସ୍ଥିତ ରହି କୁଚିଣ୍ଡା କଳା ପରିଷଦ ସମ୍ମୁଖସ୍ଥ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ ସହ ବିଭିନ୍ନ ସ୍ଲୋଗାନ ମାଧ୍ୟମରେ ଶ୍ରଦ୍ଧାଂଜଳି ଜ୍ଞାପନ କରିଥିଲେ । ଏହା ପରେ ଅପରାହ୍ନ ଦୁଇଟା ସମୟରେ ସ୍କୁଲ ପରିସରରେ ସ୍କୁଲ ଚେୟାରମେନ ମନୋଜ ଭଞ୍ଜଙ୍କ ସଭାପତିତ୍ବରେ ଆୟୋଜିତ ଶ୍ରଦ୍ଧାଞ୍ଜଳି ସଭାରେ ଅବସର ପ୍ରାପ୍ତ ଅଧ୍ୟକ୍ଷ ସୁବାସ ଚନ୍ଦ୍ର ନାୟକ ଅତିଥି ଭାବରେ ଯୋଗଦେଇ ଗାନ୍ଧୀ ସମଗ୍ର ବିଶ୍ଵରେ ଆଜି ଅହିଂସା ର ପ୍ରତୀକ ଭାବରେ ପୂଜିତ ବୋଲି କହିଥିଲେ । ଏଥିରେ ଚାଷୀନେତା ମନୋରଞ୍ଜନ ପଟେଲ , ସରକାରୀ ଓକିଲ ତୁଳାରାମ ବାଘ , ସାମାଜିକ କର୍ମୀ ଲଲାଟେନ୍ଦୁ ପଟେଲ, ବିଜେପି କର୍ମୀ ଚତୁର୍ଭୂଜ ସାହୁଙ୍କ ସମେତ ଶତାଧିକ ଗ୍ରାମବାସୀ ଅଂଶ ଗ୍ରହଣକରି ବାପୁଜୀ ଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଶେଷରେ ଏଡଭୋକେଟ ତରମ୍ ବାଗ ଧନ୍ୟବାଦ୍ ଅର୍ପଣ କରିଥିଲେ ।
ସମ୍ବଲପୁର ଜିଲ୍ଲା ପ୍ରତିନିଧି କୈଳାସ ମହାରଣାଙ୍କ ରିପୋର୍ଟ ବିଏମସି ନ୍ୟୁଜ୍ ଓଡ଼ିଶା।
