ବେଲଗୁଣ୍ଠା;ତା-୧୬/୧୨(ବିଏମସି ଟିଭି ଓଡ଼ିଆ)
ଡ଼୍ରାଇଭରର ଆଖି ଲାଖି ଯିବାରୁ ଏକ ସ୍ନାକ୍ସ ବୋଝେଇ ଟ୍ରକ୍ ରାସ୍ତା ପାର୍ଶ୍ଵ ଜମିକୁ ଓଲଟି ପଡିଛି ।ସୂଚନା ପ୍ରକାରେ ଏକ ଟ୍ରକ୍ ମହାରାଷ୍ଟ୍ରର ନାଗପୁରରୁ ହଳଦୀରାମ୍ କମ୍ପାନିର ସ୍ନାକ୍ସ ଧରି ରବିବାର ରାତିରେ ବ୍ରହ୍ମପୁର ଅଭିମୁଖେ ଯାଉଥିଲା ।ରାତି ୧୦ ଟା ସମୟରେ ଗାଙ୍ଗପୁର ନିକଟସ୍ଥ ଖଇରପୁଟି ହନୁମାନ ମନ୍ଦିର ଠାରୁ ୨୦୦ ମିଟର ଆଗକୁ ଯିବା ପରେ ଗାଡ଼ି ଚାଳକର ଆଖି ଲାଖିଯିବାରୁ ଟ୍ରକ୍ ଟି ରାସ୍ତା ପାର୍ଶ୍ୱକୁ ଚାଲିଯାଇଥିଲା । ଗାଡ଼ିଟିକୁ ମୁଖ୍ୟ ରାସ୍ତାକୁ ଆଣିବା ପାଇଁ ଚାଳକଙ୍କ ଚେଷ୍ଟା ସତ୍ତ୍ୱେ ଗାଡ଼ିଟି ଭାରସାମ୍ୟ ହରାଇ ରାସ୍ତା ପାର୍ଶ୍ଵସ୍ଥ ଖାଲୁଆ ଜମିକୁ ଓଲଟି ପଡ଼ିଥିଲା । ଏହି ଦୁର୍ଘଟଣାରେ କୌଣସି ବ୍ୟକ୍ତି ମୃତାହତ ହୋଇନଥିବା ବେଳେ ଗାଙ୍ଗପୁର ପୋଲିସ୍ ଘଟଣା ସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରିଥିବା ଜଣା ପଡିଛି ।
ବେଲଗୁଣ୍ଠା ରୁ ନାରାୟଣ ପଣ୍ଡା ଙ୍କ ରିପୋର୍ଟ ବିଏମସି ନିୟୁଜ ଓଡ଼ିଶା।
